🔴 शिडवणे नं. १ शाळेच्या माहे ऑगस्ट 2025 च्या 'ज्ञानकुंज' मासिकाचा प्रकाशन सोहळा उत्साहात संपन्न
शिडवणे: सोमवार, २५ ऑगस्ट २०२५ रोजी जिल्हा परिषद पूर्ण प्राथमिक शाळा शिडवणे नं. १ मध्ये शाळेच्या 'ज्ञानकुंज' या मासिकाचा प्रकाशन सोहळा मोठ्या उत्साहात पार पडला. या मासिकाच्या माध्यमातून विद्यार्थ्यांमधील सर्जनशीलता आणि साहित्यिक गुणांना वाव मिळणार आहे.
या कार्यक्रमाला सरपंच रवींद्र शेट्ये, अध्यक्ष दिनेश रांबाडे, उपाध्यक्षा संचिता टक्के, देणगीदार साक्षी सुनिल टक्के, सुनिल टक्के, सिद्धी टक्के, रितेश टक्के, रामदास वारिसे, बाणे, तारीफ शेख, अरविंद धाक्रस, मानसी रांबाडे, सुरेश भिकाजी कदम, गौरांग कदम, गोविंद वाघरे, उर्मिला सुतार, समिता सुतार, उपशिक्षिका सीमा वरुणकर, हेमा वंजारी आणि सुरेंद्र यादव यांच्यासह बहुसंख्य विद्यार्थी, पालक आणि ग्रामस्थ उपस्थित होते.
कार्यक्रमाची सुरुवात मान्यवरांच्या हस्ते मासिकाच्या पहिल्या अंकाचे प्रकाशन करून झाली. यावेळी उपस्थित मान्यवरांनी विद्यार्थ्यांना त्यांच्या लेखनासाठी प्रोत्साहन दिले. सरपंच रवींद्र शेट्ये यांनी शाळेच्या या उपक्रमाचे कौतुक केले आणि विद्यार्थ्यांच्या कलागुणांना योग्य व्यासपीठ मिळाल्याचे सांगितले. तसेच, देणगीदार साक्षी टक्के आणि सुरेश कदम यांनीही मनोगत व्यक्त केले.
शाळेचे मुख्याध्यापक प्रवीण कुबल यांनी कार्यक्रमाचे प्रास्ताविक केले. त्यांनी 'ज्ञानकुंज' मासिकाचा उद्देश स्पष्ट केला आणि हे मासिक विद्यार्थ्यांच्या विचारांना आणि कल्पनांना शब्दबद्ध करण्यासाठी एक उत्तम माध्यम ठरेल, असे सांगितले. त्यांनी या उपक्रमासाठी सहकार्य करणाऱ्या सर्वांचे आभार मानले.
कार्यक्रमाच्या शेवटी, श्री. रामदास वारिसे यांनी मुलांना खाऊसाठी ५०० रुपये दिले, तर श्रीमती साक्षी सुनील टक्के यांनी शाळेला अधिक शैक्षणिक कार्यांसाठी २००० रुपयांची देणगी दिली. मुख्याध्यापक प्रवीण कुबल यांनी सर्वांचे आभार मानून कार्यक्रमाची सांगता केली. या सोहळ्यामुळे शाळेत उत्साहाचे वातावरण निर्माण झाले होते.
No comments:
Post a Comment