स्वातंत्र्यदिनानिमित्त शिडवणे नं. १ शाळेत स्वच्छता मोहीम

स्वातंत्र्यदिनानिमित्त शिडवणे नं. १ शाळेत स्वच्छता मोहीम

शिडवणे: स्वातंत्र्य दिनाच्या पूर्वसंध्येला, शिडवणे नं. १ शाळेत १४ ऑगस्ट रोजी स्वच्छता मोहीम राबवण्यात आली. या उपक्रमात शाळेतील सर्व शिक्षक, विद्यार्थी, शालेय पोषण आहार कर्मचारी आणि अंगणवाडी सेविका यांनी उत्स्फूर्तपणे सहभाग घेतला.

          शाळेचा परिसर मोठा असूनही, सर्वांनी मिळून उत्साहात कामाला सुरुवात केली. विद्यार्थ्यांनी मैदानात वाढलेले गवत आणि तण काढण्यासाठी श्रमदान केले. शिक्षकांनी त्यांना योग्य मार्गदर्शन करत कामात हातभार लावला.

          यावेळी रंगमंच आणि कठड्यांचीही घासून स्वच्छता करण्यात आली. तसेच, परिसरात पडलेला पालापाचोळा गोळा करून तो कंपोस्ट खताच्या खड्ड्यात टाकण्यात आला, जेणेकरून त्याचा योग्य वापर होईल.

          या स्वच्छता मोहिमेमुळे शाळेचा परिसर स्वच्छ आणि सुंदर दिसू लागला आहे. स्वातंत्र्य दिनासारख्या महत्त्वाच्या राष्ट्रीय सणापूर्वी परिसर स्वच्छ ठेवण्याचा हा उपक्रम कौतुकास्पद आहे.