शिडवणे नं. १ शाळेत "बेस्ट शिव-हनुमान ट्रस्ट" च्या वतीने वह्यांचे मोफत वाटप!
कानकेकर बंधूंच्या विशेष सहकार्याने विद्यार्थ्यांचा शैक्षणिक भार हलका
शिडवणे, ३० जुलै २०२५: शिडवणे नं. १ शाळेतील विद्यार्थ्यांसाठी आज एक दिलासादायक शैक्षणिक उपक्रम संपन्न झाला. "बेस्ट शिव-हनुमान ट्रस्ट" यांच्या सौजन्याने आणि सन्माननीय कानकेकर सर व त्यांचे बंधू कृष्णराज कानकेकर यांच्या विशेष सहकार्याने शाळेतील पहिली ते सातवीच्या विद्यार्थ्यांना मोफत वह्यांचे वाटप करण्यात आले. हा उपक्रम विद्यार्थ्यांच्या शैक्षणिक गरजा पूर्ण करण्यास मोठा हातभार लावणारा ठरला.
या महत्त्वाच्या सोहळ्याला अनेक प्रतिष्ठित मान्यवर उपस्थित होते. राष्ट्रपती पोलीस पदक प्राप्त निवृत्त पोलीस अधिकारी विजय टक्के, शिडवणे गावठणवाडी उत्कर्ष मंडळाचे वाडीप्रमुख सदाशिव कुडतरकर, मुंबईस्थित सदस्य मंगेश शेट्ये व विजय शेट्ये, ग्रामपंचायत सदस्य दयानंद कुडतरकर व संतोष टक्के, शाळा व्यवस्थापन समितीचे अध्यक्ष दिनेश रांबाडे व उपाध्यक्षा संचिता टक्के, शिडवणे आरोग्य मंदिर अधिकारी प्रणव पाटील, तसेच आरोग्य सेवक गणेश तेली, अरविंद धाक्रस, उर्मिला सुतार, सायली सुतार, जान्हवी टक्के, निशा कुडतरकर, प्रेरणा कासार्डेकर, तारीफ शेख, समीक्षा सुतार, वैभव पाटणकर, विराज शेट्ये यांनी या उपक्रमाला उपस्थिती लावली.
याशिवाय, अंगणवाडी सेविका प्रियांका पाटणकर, मदतनीस कविता केतकर, शालेय पोषण आहार स्वयंपाकी समिता सुतार, शिडवणे कोनेवाडी अंगणवाडी सेविका शालिनी शिर्सेकर, समाधान पाटणकर, कृषीदूत राहुल पळसकर, निशांत माने, तेजस येडगे, पृथ्वीराज नरके, अभंग सलगर, दिग्विजय संकपाळ, दिग्विजय जांभळकर, हृतेश यादव यांचीही उपस्थिती होती.
शाळेचे मुख्याध्यापक प्रवीण कुबल, उपमुख्याध्यापिका सीमा वरुणकर, पदवीधर शिक्षिका हेमा वंजारी आणि क्रीडा शिक्षक सुरेंद्र यादव यांनी या कार्यक्रमाचे यशस्वी आयोजन केले.
वह्यांचे वर्गनिहाय वाटप
उपस्थित मान्यवरांच्या शुभहस्ते विद्यार्थ्याना वह्यांचे वाटप करण्यात आले. विद्यार्थ्यांच्या वर्गानुसार वह्यांची संख्या निश्चित करण्यात आली होती:
इयत्ता पहिली ते तिसरीच्या विद्यार्थ्यांना प्रत्येकी ३ वह्या मोफत देण्यात आल्या.
इयत्ता चौथी, पाचवी आणि सहावीच्या विद्यार्थ्यांना प्रत्येकी ५ वह्या वितरित करण्यात आल्या.
इयत्ता सातवीच्या विद्यार्थ्यांना प्रत्येकी ६ वह्या प्रदान करण्यात आल्या.
मुख्याध्यापक प्रवीण कुबल यांनी "बेस्ट शिव-हनुमान ट्रस्ट", कानकेकर सर आणि कृष्णराज कानकेकर यांचे या शैक्षणिक मदतीसाठी विशेष आभार मानले. त्यांच्या या प्रयत्नांमुळे विद्यार्थ्यांचा शैक्षणिक भार हलका होण्यास मदत होईल, असे त्यांनी नमूद केले.
No comments:
Post a Comment