शिडवणे नं. १ शाळेत 'रानभाज्यांचे प्रदर्शन' संपन्न: विद्यार्थ्यांनी केले निसर्गाचे अनोखे दर्शन!

🔴 शिडवणे नं. १ शाळेत 'रानभाज्यांचे प्रदर्शन' संपन्न: 

🔹विद्यार्थ्यांनी केले निसर्गाचे अनोखे दर्शन!

शिडवणे, 19 जुलै 2025: निसर्गातील दुर्मीळ आणि पौष्टिक रानभाज्यांची ओळख विद्यार्थ्यांना व्हावी, या उद्देशाने शिडवणे नं. १ शाळेत शनिवार, 19 जुलै 2025 रोजी 'रानभाज्यांचे प्रदर्शन' मोठ्या उत्साहात आयोजित करण्यात आले. या प्रदर्शनामुळे विद्यार्थ्यांना पारंपरिक खाद्यसंस्कृती आणि नैसर्गिक संपदेचे महत्त्व समजावून सांगण्यात आले.

          या महत्त्वपूर्ण कार्यक्रमासाठी माजी वित्त आणि बांधकाम सभापती रविंद्रजी जठार साहेब, शिडवणे सरपंच रवींद्रजी शेट्ये साहेब, कणकवली पंचायत समिती गटशिक्षणाधिकारी किशोर गवस साहेब, केंद्रप्रमुख सद्गुरु कुबल साहेब, तसेच शाळा व्यवस्थापन समिती अध्यक्ष सुप्रिया पाष्टे, ग्रामपंचायत सदस्य स्मिता टक्के, पोलीस पाटील समीर कुडतरकर, माजी अध्यक्ष दिनेश रांबाडे, उपाध्यक्ष संचिता टक्के, असलदे तावडेवाडीचे उपशिक्षक जंगले सर, गायत्री वाघरे, उर्मिला सुतार, अन्वी येतकर, मनाली धुमाळ, तारीफ शेख, अरविंद धाक्रस, रेशमी भोवड, गणेश पाष्टे, मंगेश सुतार, जान्हवी टक्के, मानसी रांबाडे, योगेश शिंदे, अर्चना पाष्टे, निशा कुडतरकर, सत्यवती वारीसे, प्रेरणा कासार्डेकर, स्नेहा पांचाळ, अर्चना भोवड, अनिल गुंडये, स्मिता पाष्टे, प्रवीण पाटणकर, सायली सुतार, नदीम शेख, शब्बीर शेख, कोमल वारीसे इत्यादी मान्यवर, पालक वर्ग, शिक्षक वर्ग आणि विद्यार्थी वृंद मोठ्या संख्येने उपस्थित होते. मान्यवरांच्या शुभहस्ते फीत कापून या रानभाज्यांच्या प्रदर्शनाचे उद्घाटन करण्यात आले.

          विद्यार्थ्यांनी टाकळा, काटली, अळू, कुर्डू भाजी, अळंबी, माठ, शेवगा, भारंगी, केळफुल अशा विविध प्रकारच्या रानभाज्यांचे सुंदर सादरीकरण केले होते. प्रत्येक भाजीचे वैशिष्ट्य, त्याचे औषधी गुणधर्म आणि पारंपरिक उपयोग याबद्दल विद्यार्थ्यांनी माहिती दिली. या प्रदर्शनामुळे विद्यार्थ्यांना केवळ रानभाज्यांची ओळख झाली नाही, तर त्यांच्यातील संशोधन वृत्ती आणि सादरीकरण कौशल्येही विकसित झाली.

          या प्रदर्शनाच्या यशस्वी आयोजनासाठी सीमा वरुणकर, हेमा वंजारी आणि समिता सुतार यांचे विशेष सहकार्य लाभले. रानभाज्यांचे हे अनोखे प्रदर्शन पाहून सर्व पदाधिकारी, अधिकारी आणि पालक वर्ग यांनी विद्यार्थ्यांच्या या रानभाज्यांच्या संकलन कार्यक्रमाविषयी खूप कौतुक केले. या उपक्रमामुळे विद्यार्थ्यांना निसर्गाशी जोडून ठेवण्यात आणि आपल्या पारंपरिक ज्ञानाचे महत्त्व समजावून सांगण्यात शाळा यशस्वी ठरली.