🔴 शिडवणे नं. १ शाळेत 'एक दिवस गणितासाठी' उपक्रमांतर्गत गणित ऑलिंपिकसाठी विद्यार्थ्यांची पूर्व चाचणी संपन्न!
शिडवणे नं. १, 12 जुलै 2025: आज शिडवणे नं. १ शाळेमध्ये इयत्ता पाचवी ते सातवीच्या विद्यार्थ्यांची विभाज्यता या घटकावर पूर्व चाचणी घेण्यात आली. अध्ययन संस्था आणि अल्केमी यांच्या संयुक्त विद्यमाने राबविण्यात येत असलेल्या 'एक दिवस गणितासाठी' या गणित विषयक उपक्रमांतर्गत ही चाचणी आयोजित करण्यात आली होती. यावेळी गणित अध्ययन संस्थेचे पर्यवेक्षक प्रथम पवार हे उपस्थित होते.
अल्केमी अंतर्गत अध्ययन संस्था दरवर्षी गणिताचे विविध उपक्रम राबवते, ज्यात जिल्ह्यातील काही निवडक शाळांची निवड केली जाते. यावर्षी शिडवणे नं. १ शाळेची निवड या उपक्रमासाठी झाल्याने, संस्थेचे प्रतिनिधी प्रथम पवार यांनी आज विद्यार्थ्यांची लेखी पूर्व चाचणी घेतली.
या चाचणीमधून प्रत्येक वर्गातील पाच विद्यार्थ्यांची निवड केली जाईल. निवड झालेले विद्यार्थी कणकवली येथे होणाऱ्या गणित ऑलिंपिक स्पर्धेत सहभागी होतील. या स्पर्धेत सहभागी होणाऱ्या सर्व विद्यार्थ्यांना आणि त्यांच्या शिक्षकांना अध्ययन संस्थेच्या वतीने आकर्षक प्रमाणपत्रे दिली जातात. तसेच, प्रथम, द्वितीय आणि तृतीय क्रमांकासह उत्तेजनार्थ विजेत्यांना भेटवस्तू देऊन शाळांना आणि विद्यार्थ्यांना गौरविण्यात येते. या उपक्रमामुळे विद्यार्थ्यांमध्ये गणिताची आवड निर्माण होण्यास मदत होईल.
No comments:
Post a Comment