🛑 अध्ययन संस्थेमार्फत राबविण्यात येणाऱ्या गणित प्रकल्पात शिडवणे नं.१ शाळेचा सहभाग

 🛑 अध्ययन संस्थेमार्फत राबविण्यात येणाऱ्या गणित प्रकल्पात शिडवणे नं.१ शाळेचा सहभाग

🔹 इयत्ता पाचवी ते सातवीच्या मुलांसाठी संस्थेचे गणित विषयक अभ्यासपूरक उपक्रम

▪️शिडवणे : 

           गेली काही वर्षे गणित विषयक मार्गदर्शन , प्रकल्प व स्पर्धा उपक्रम राबवणारी ' गणित अध्ययन संस्था ' पाचवी ते सातवीच्या मुलांसाठी अभ्यासपूरक उपक्रम राबवित आहे. 

          या प्रकल्पात शिडवणे नं.१ शाळेची निवड झालेली आहे. यामध्ये शाळेतील पाचवी ते सातवीच्या एकूण 21 मुलांचा सहभाग असणार आहे. विभाज्यता , दशांश अपूर्णांक यांचा अभ्यास केल्यानंतर यंदा अध्ययन संस्थेने मुलभूत मोजमापन यावर भर दिलेला आहे. त्यासाठी प्रथम मुलांची पूर्वचाचणी घेण्यात आली आहे. शाळेतील 5 ते 7 चे वर्ग शिकविणारे शिक्षक गणित विषयक मार्गदर्शन करणार आहेत. 

          कोळोशी हडपीड हायस्कुलमध्ये नुकत्याच संपन्न झालेल्या शिक्षक प्रशिक्षणामध्ये अध्ययन संस्थेच्या प्रकल्प संचालिका सविता आयरे आणि समिती सदस्य शंकर अंधारे यांनी प्रात्यक्षिकासह विविध घटकांचे मार्गदर्शन केले. त्यावेळी शिडवणे नं.१ शाळेच्या समन्वयक वैष्णवी काणकेकर उपस्थित होत्या. 

          अध्ययन संस्थेने शाळेला उत्तम दर्जाचे गणित अध्यापन साहित्य प्रदान केले. शाळेला या प्रकल्पात सहभागी करुन घेतल्याबद्दल शाळेचे मुख्याध्यापक प्रवीण कुबल यांनी अध्ययन संस्थेचे आभार मानले आहेत.