🛑 सीमा वरुणकर यांना उत्कृष्ट पटनोंदणी पुरस्कार
शिडवणे :
नुकतीच शिडवणे नं.१ शाळेची शाळा व्यवस्थापन समिती व पालक सभा संपन्न झाली. त्यावेळी दिनेश रांबाडे यांच्या अध्यक्षतेखाली सभा घेण्यात आली.
शालेय पोषण आहार संदर्भात चर्चा व विचार विनिमय करण्यात आला. समिता सुतार आणि सुरेश सुतार यांची स्वयंपाकी व मदतनीस म्हणून सर्वानुमते नियुक्ती करण्यात आली.
मुख्याध्यापक सुनिल तांबे यांनी' हर घर तिरंगा ' उपक्रमाची माहिती दिली. स्वातंत्र्याचा अमृतमहोत्सव अंतर्गत शेर्पे केंद्रस्तरीय स्पर्धेत सहभागी व विजेत्या मुलांचे पुष्पगुच्छ देऊन समारंभपूर्वक अभिनंदन करण्यात आले. त्यात शफा नदीम शेख , फरीन तारीफ शेख , अथर्व समीर कुडतरकर , सेजल एकनाथ भोवड , लवेश पांडुरंग कासार्डेकर , नितेश रामचंद्र पाटणकर , श्रेया राजेश पाळेकर , तनिष्का प्रवीण पाटणकर यांचा प्रामुख्याने समावेश होता.
गेली तीन वर्षे सलग उत्कृष्ट पटनोंदणी पुरस्कार मिळवणाऱ्या उपशिक्षिका सीमा वरुणकर यांनी यावर्षीही पुरस्कार मिळवल्याबद्दल त्यांचे शाळा व्यवस्थापनच्या वतीने पुष्पगुच्छ देऊन अभिनंदन करण्यात आले.
त्यावेळी सभागृहात योगेश शिंदे , तारीफ शेख , मंजुळा गुंडये , समिता सुतार , प्रेरणा कासार्डेकर , अस्मिता भोवड आणि बहुसंख्य पालकवर्ग उपस्थित होते.
No comments:
Post a Comment