🛑 मुलांनो , आपल्या गुरुंचा सदैव सन्मान करा : केंद्रप्रमुख सद्गुरू कुबल
🟢 शिडवणे नं. १ शाळेचा गुरुपौर्णिमा उपक्रम संपन्न
शिडवणे :
दरवर्षी शाळांमध्ये गुरुपौर्णिमा साजरी करण्यात येते. यावर्षी शिडवणे नं. १ शाळेने गुरुपौर्णिमा उपक्रमाचे उत्तम प्रकारे आयोजन केले. त्यानिमित्ताने शाळेतील मुलांनी आपल्या गुरुंना ' गुरुवंदना ' दिली.
त्यावेळी शेर्पे खारेपाटण केंद्रांचे केंद्रप्रमुख सदगुरु कुबल यांची प्रमुख उपस्थिती होती. त्यांच्या शुभहस्ते दीपप्रज्वलन होऊन कार्यक्रमाचे समारंभपूर्वक उद्घाटन करण्यात आले.
सद्गुरू कुबल म्हणाले , " मुलांनो , नेहमी आपल्या गुरुंचा आदर सन्मान करा. त्यांनी दिलेली अनमोल शिकवण आचरणात आणा. दिलेला अभ्यास वेळच्या वेळी पूर्ण करा. " त्यांनी मुलांना गुरुपौर्णिमेनिमित्त मार्गदर्शन केले व खाऊ दिला.
अथर्व कुडतरकर , वेदांत कुडतरकर , नितेश पाटणकर , फरान शेख , शफा शेख , फरीन शेख , श्रेया पाळेकर या मुलांनी आपल्या भाषणातून शिक्षकांबद्दल आदर व्यक्त केला. उपस्थित सर्व मुलांनी केंद्रप्रमुख सदगुरू कुबल व गुरुजनांना पुष्पगुच्छ व भेटवस्तू देऊन साष्टांग नमस्कार केला.
पदवीधर शिक्षक प्रवीण कुबल , उपशिक्षिका सुजाता कुडतरकर यांनी मार्गदर्शनपर मनोगते व्यक्त केली. कार्यक्रमाला शाळेतील सर्व मुले , अंगणवाडीतील मुले , मदतनीस केतकर इत्यादी उपस्थित होते.
No comments:
Post a Comment